Lasbat nat dalis

LASBAT NAT DALIS

laspag nga ba ang dilis

nang ito'y humagibis

tumalon at nagburles

sa ilog na malinis

o malawak na batis

ayokong magmalabis

sa paggawa ng hugis

di man gayon katulis

ako pala'y mabilis

napasagot si misis

minsan paalis-alis

na maganda ang bihis

hanap ay mangga't atis

paborito ng buntis

na pagsinta'y kaytamis

problema'y napapalis

ulam ko man ay dilis

at sawsawan ay patis

sa pila man magtiis

ako'y lasbat nat dalis

- gregoriovbituinjr.

02.16.2022