Pi

PI

numero iyong agad nakita

at PI ang sagot ko kapagdaka

na numerong pamilyar talaga

dahil mula sa matematika

PI ang rata ng sirkumperensya

ng bilog sa diyametro niya

ang PI ay kilala nang pormula

sa matematika at pisika

PI ay mula sa letrang Griyego

titik P ang kahulugan nito

ginamit dahil sa Perimetro

ng bilog, mabuti't nabatid ko

ang nagkalkula'y si Archimedes

isip ay magaling at makinis

si William Jones naman ang nagbihis

nitong PI sa makabagong tesis

nang sa krosword ito'y madalumat

ay PI ang agad kong isinulat

tangi kong masasabi'y salamat

dahil PI ay muling nabulatlat

- gregoriovbituinjr.

04.14.2023