Komentula

KOMENTULA

di raw ako masalita

tila tinahi ang dila

madaldal lang daw sa tula

at doon ngawa ng ngawa

sa tula nahahalata

ang damdamin ng makata

anuman ang sapantaha

sa katha sinasariwa

patuloy lang sa pagkatha

ang makatang maglulupa

kay-ingay ng nasa diwa

animo'y rumaragasa

mag-ingay ka pa, makata

ikaw na di masalita

sa toreng garing ma'y wala

kinakatha'y komentula

- gbj/09.23.2023