Hapunan bago maglakbay

HAPUNAN BAGO MAGLAKBAY

kumain at tiyan ay busugin

at kayhaba pa ng lalakbayin

ngayong gabi pagkat tutunguhin

ay malamig na bulubundukin

si misis ay aking sasamahan

sa tatlong araw din na lakaran

ibang landas, ibang tutulaan

isang pakikipagsapalaran

magba-bodyguard muna kay misis

utusan na kilos ay mabilis

nagpakabusog bago umalis

ulam: sardinas, itlog, kamatis

ah, di ako dapat mahiwalay

kaya kasama sa paglalakbay

tutulog sa bus, magpahingalay

doon loob ay mapapalagay

- gregoriovbituinjr.

01.18.2024