Nilay sa madaling araw

NILAY SA MADALING ARAW

kalahating milyon ang surgery 

abot na ng isang milyon kami

di pa kasama yaong sa doktor

wala pang operasyon sa bukol

pultaym tulad ko'y saan kukuha

ng pambayad sa bill? ay, problema

ang ipon ko'y walang samporsyento

ng hospital bill na nakuha ko

problemang ito'y nakakaiyak

pagkat lansangan ay sobrang lubak

talagang sa luha nangingilid

lalo't naritong tigang ang bukid

di ko masabing pera lang iyan

kung said ang balong makukunan

may paraan pa sanang magawa

habang loob ay inihahanda

singkwenta mil pa lang ang nabayad 

subalit ngayon ay nilalakad

ang mga nakuhang dokumento

upang madala sa PCSO

ang bawat problema'y may solusyon

subalit kailangan na iyon

at kung may mahihiramang pilit

salamat, iyon na'y ihihirit

- gregoriovbituinjr.

10.31.2024